ລູກສອນໄຟປ່ອຍນຳວິຖີຂອງກອງທັບຣັດເຊຍ
ສຳນັກຂ່າວຣອຍເຕີລາຍງານໂດຍອ້າງອີງຈາກ ກອງທັບຣັດເຊຍ ວ່າ: ລູກສອນໄຟນຳວິຖີອະເນກປະສົງນ້ຳໜັກເບົາລຸ້ນ Izdeliye 305
ເຊິ່ງເປັນລູກສອນໄຟນຳວິຖີລຸ້ນໃໝ່ຂອງ ກອງທັບຣັດເຊຍ ທີ່ນຳໃຊ້ເຂົ້າໃນການປະຕິບັດການພິເສດໃນ ອູແກຣນ ໂດຍ ຣັດເຊຍ ໄດ້ນຳເອົາ
ລູກສອນໄຟດັ່ງກ່າວ ໄປຕິດຕັ້ງໃສ່ກັບເຮລີກົບແຕໂຈມຕີ ແລະ ຍິງຈາກອາກາດສູ່ພື້ນລູກສອນໄຟລຸ້ນນີ້ ມີຄວາມແມ້ນຢຳສູງສາມາດທຳລາຍ
ເປົ້າໝາຍໄດ້ເປັນຢ່າງດີ.
ນອກຈາກນັ້ນ, ລູກສອນໄຟຊະນິດນີ້ຍັງສາມາດຕິດຕັ້ງໃສ່ກັບເຮືອບິນໂຈມຕີລຸ້ນ Ka-52M ແລະ ເຮືອບິນ Mi-28NM ລູກສອນໄຟ
ລຸ້ນນີ້ມີນ້ຳໝັກ 105 ກິໂລກຣາມ ຕິດຫົວຮົບຂະໜາດ 25 ກິໂລກຣາມ ເຊິ່ງເປັນລູກສອນໄຟຂະໜາດນ້ອຍເໝາະແກ່ການໃຊ້ງານ ຄວາມ
ສາມາດຂອງລູກສອນໄຟລຸ້ນນີ້ສາມາດທຳລາຍລົດຫຸ້ມເກາະ, ລົດຕັງ ຫຼື ທີ່ພັກຂອງສັດຕູລວມໄປເຖິງລົດໃຊ້ງານຫຼັກໆ ໃນສະໜາມຮົບໄດ້
ເປັນຢ່າງດີ ລູກສອນໄຟມີໄລຍະຍິງທີ່ແມ້ນຢຳປະມານ 14,5 ກິໂລແມັດ, ສາມາດໃຊ້ງານໄດ້ທຸກສະພາບອາກາດ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/02/2024